Tymor yr Adfent 14

imageDarllenwch Eseia 9:2-7

Os oeddem ddoe yn meddwl am y baban ym Methlehem fel yr had – un ohonom ni, mae yn wahanol i ni hefyd. Mae geiriau Eseia yn agor y drws i ni weld mwy. Mae cerddoriaeth wych Handel yn ei oratorio yn gorfoleddu yn y seithfed adnod, gan adeiladu at y gair “Wonderful” sy’n dod fel bloedd ogoneddus gan y côr. Gadewch i ni aros gydag un o’r enwau yma heddiw: y Duw cadarn. (rhagor…)

Tymor yr Adfent 13

imageDarllenwch Genesis 3:14-15; a Hebreaid 2:14-18

Un o’r gorchwylion cyntaf wrth i blentyn gael ei eni yw dewis enw iddo. Mae pob math o resymau yn gallu bod ym meddyliau’r rhieni wrth wneud eu dewis – gall fod oherwydd eu bod yn hoffi sŵn yr enw. Yn aml bydd y plentyn yn cael ei enwi ar ôl rhywun – a gobaith y rhieni yw y bydd yn dod yn debyg i’r person hwnnw mewn rhyw ffordd – bydd yn “byw i fyny i’r enw” chwedl y Sais. (rhagor…)

Tymor yr Adfent 10

Edrych i lawr ar yr Areopagus o'r Acropolis

Edrych i lawr ar yr Areopagus o’r Acropolis

Darllenwch Genesis 12:1-2

Rwyf yn Athen yr wythnos hon yn cymryd rhan mewn cynhadledd lle mae tua wythdeg ohonom yn dilyn chwe ffrwd gwahanol o astudio. Rwyf fi mewn criw o wyth yn edrych ar sut mae dadlau o blaid y ffydd Gristnogol, a hynny men ffordd sy’n onest, yn ddifrifol, gan geisio codi cwestiynau difrifol yn wyneb y gwrthwynebiad sydd i’r ffydd yn ein dyddiau ni. (rhagor…)

Tymor yr Adfent 8

imageMae’r llifogydd mawr yng ngogledd Lloegr wedi bod yn llenwi’r newyddion ers y penythnos. Pwy all beidio â chydymdeimlo â’r llaweroedd sydd yn gorfod ad-drefnu pob dim wedi’r llanast i gyd. Un o’r pethau sydd wedi fy nharo ydi’r arfer newydd o roi enw i’r storm. Bellach nid y tywydd sy’n gyfrifol, ond Desmond. Mae personoli’r digwyddiad rhywsut yn ei gwneud hi’n haws mynegi ein dicter, ein siom, ein rhwystredigaeth. Gallwn enwi ein gelyn bellach. (Ond druan o unrhyw un sy’n dwyn yr enw “Desmond”!) (rhagor…)

Tymor yr Adfent 7

image‘Daeth y Gair yn berson o gig a gwaed; daeth i fyw yn ein plith ni.’

Darllenwch Ioan 1:1-14

Heddiw rwyf ar fy ffordd o Fangor (Athen y gogledd) i ddinas Athen yng ngwlad Groeg. Mae’n daith oedd n golygu dal y trên ddoe a dod i Lundain, a’r bore ma rwy’n dal awyren i hedfan draw o lawogydd ynysoedd Prydain i heulwen (gobeithio) Môr y Canoldir. (Cofiwch – nid mynd i fwynhau gwyliau ydw i ond mynd ar gyfer tri diwrnod o astudio a thrafod gyda chriw amrywiol o nifer o wahanol wledydd.) (rhagor…)

Tymor yr Adfent 6

imageI lawer ohonom mae’r Nadolig yn dwyn atgofion i ni o’n plentyndod. Roedd y cynnwrf wrth i ni ddysgu geiriau’r ddrama Nadolig, neu wrth weld y nwyddau yn y siopau a pharatoi’r addurniadau yn gosod naws arbennig i’r tymor.

Un o’r atgofion sydd gen i yw eistedd yn Festri’r capel yn Aberystwyth a chlywed geiriau’r hen garol ladin: O! Tyred Di, Emaniwel. Unwaith roeddwn yn clywed nodau cyntaf y garol yn cael eu chwarae, roeddwn yn gwybod fod y Nadolig ar y trothwy. (rhagor…)

Tymor yr Adfent 5

image“Eto y mae teyrnas nefoedd yn debyg i fasnachwr sy’n chwilio am berlau gwych. Wedi iddo ddarganfod un perl gwerthfawr, aeth i ffwrdd a gwerthu’r cwbl oedd ganddo, a’i brynu.’
‭‭Mathew‬ ‭13:45-46‬ ‭

Darllenwch Mathew 13:44-46

Mae ein bywyd yn cael ei yrru gan ein dymuniadau. Yr hyn mae ein calon wedi rhoi ei fryd arno, dyna’r hyn rydym yn ymdrechu i’w gael. Mae hyn yn gyrru masnach y Nadolig wrth gwrs, ond mae’n gwneud mwy hefyd. (rhagor…)